Fisioterapia respiratoria

É un dos tratamentos fundamentais e obrigatorios nas persoas con Fibrose Quística

Se estás recentemente diagnosticado

O fisioterapeuta explicarache o tratamento, buscando a aceptación e concienciación do mesmo. Ademais será necesario introducir a práctica dos exercicios da fisioterapia tendo en conta a idade da persoa paciente, o seu estado e evolución da enfermidade, recursos persoais e materiais dos que dispón e a súa colaboración.

Supón o 80% dos diferentes tratamentos para persoas con FQ en canto a beneficios de saúde se refire, xa que de non practicarse corre perigo a vida da persoa

Que ofrece a fisioterapia?

Unha correcta educación sobre a súa enfermidade e tratamento, outorgándolle desta maneira a posibilidade de ser partícipe de maneira activa no mesmo e axudándolle a controlar os síntomas.

A realización de exercicios sinxelos que aprenderá da man dun/dunha fisioterapeuta especializado/a.

Unha boa adherencia ao tratamento, axudando a integralo no estilo de vida da persoa paciente con FQ, ademais de fomentar o autocoidado.