Apoio psicolóxico

Afrontamos xuntos o camiño da Fibrose Quística

Información e orientación psicolóxica

Vivir con Fibrose Quística presenta moitos desafíos que poden xerar malestar emocional, tanto nas persoas pacientes con FQ como nos seus familiares. Por iso, dende a AGFQ contamos cun servizo de atención psicolóxica encamiñado a previr as posibles dificultades adaptativas. Co obxectivo de entender e manexar mellor os retos que poidan xurdir, podemos atopar diferentes funcións no servizo:

Como podemos axudarte ?

Asesoramento á persoa afectada ou familiar tras o diagnóstico

Manexo das dificultades cos tratamentos

Intervención psicolóxica durante o transplante

Asesoramento á persoa afectada ou familiar tras o diagnóstico

Co apoio psicolóxico ofrécese unha atención e intervención individual que inclúe actividades psicolóxicas directas, a través das cales se proporciona ás persoas beneficiarias un maior coñecemento e aceptación da enfermidade, as súas limitacións, a detección de posibles situacións non normalizadas e o seu posterior tratamento.

Entre as súas funcións atópanse:

Formación en Fibrose Quística.

Asesoramento tras o diagnóstico da enfermidade.

Apoio psicolóxico durante os ingresos hospitalarios.

Manexo de dificultades na adherencia aos tratamentos.

Intervención familiar no paso á adolescencia.

Manexo da tensión e sobrecarga no coidador principal.

Manexo de dificultades na adherencia aos tratamentos.

Intervención psicolóxica antes, durante e despois do transplante.

Manexo das dificultades cos tratamentos e outros aspectos da FQ

A persoa profesional aquí realiza labores de acompañamento, contención e soporte emocional porque cando se presenta nas nosas vidas unha enfermidade como a Fibrose Quística, o diagnóstico supón unha ameaza á nosa saúde, ás nosas actividades cotiás e á nosa independencia. A angustia ante a falta de tratamento específico, a incerteza da desinformación, a mirada ao futuro son cousas que é mellor pasalas en compañía.

Intervención psicolóxica durante todo o proceso de transplante

O obxectivo final é axudar a entender e manexar mellor as dificultades que se poidan expor no día a día dunha persoa coa enfermidade, aumentando así a súa calidade de vida.

A prevención de hábitos nocivos, inicio da vida laboral, así como a posible perda de independencia ou os tratamentos intrusivos; reforzar a adherencia nesta etapa é fundamental, do mesmo xeito que enfrontar as posibles situacións críticas como os transplantes pulmonares e o coidado no duelo.