Con motivo da conmemoración do Día Mundial da Fibrose Quística a asociación organiza a Gala do Día Mundial da Fibrose Quística en Baiona o vindeiro domingo 8/9/2024.
Preparamos ao longo de todo o día diferentes actividades ao aire libre tanto deportivas, lúdicas ou de lecer para poder gozar todos xuntos deste día, facer visible a FQ e fomentar o exercicio físico no colectivo.
Durante todo o día poderanse adquirir rifas solidarias na mesa da asociación, estas permitirán participar nos sorteos que se realizarán ás horas indicadas no cartel.
Estes sorteos son posibles grazas á solidariedade dos colaboradores do evento que un ano máis quixeron participar e achegar o seu granito de area. Sortearanse agasallos como un televisor Smart TV de 32″, unha cea, unha mariscada, roupa, lentes de sol, quebracabezas, un xamón, …
Como en anos anteriores o Club Cornelios colabora connosco organizando ao andaina solidaria. Para participar podedes inscribirvos na seguinte ligazón ou o mesmo día ata 10 minutos antes da saída na mesa da asociación:
https://docs.google.com/forms/d/e/1FAIpQLScR6Fg1i5ieMUg5kd0mfLiXM3QKb2GCPyC0WwF1FCk0AXTPtw/viewform
Evento: Día Mundial da Fibrose Quística
Día e Lugar: Domingo 8 de setembro 2024, Praza do Concello de Baiona, Pontevedra
Hora: 10.00 – 22.00
- IMPORTANTE: A recadación que se obteña ese día é clave xa que se destinará a cubrir unha parte moi importante dos servizos que ofrecemos dende a asociación e que non son cubertos coas subvencións.
Esperámosvos!!!!
