A Asociación Galega de Fibrose Quística estará presente no DesafiOia Trail 2026
O vindeiro sábado 21 de marzo, estaremos presentes no evento deportivo DesafiOia Trail 2026, que terá lugar no Concello de Oia (Pontevedra).
Durante a xornada, en horario de 9:00 a 16:00 horas, instalarase unha mesa solidaria co obxectivo de dar difusión á Fibrose Quística, achegar o labor da entidade á cidadanía e recadar fondos destinados ao financiamento dos seus servizos.
Anímase a todas as persoas interesadas a achegarse e compartir a xornada coa Asociación neste espazo de sensibilización e encontro!
